Вьетнамда су тасқынынан 90 адам қаза тапты

Вьетнамда бірнеше күн бойы жауын құйып, соңы алапат тасқын мен лай көшкініне ұласты. Соңғы мәліметке қарағанда, 90 адам қаза тауып, 12 тұрғын жоғалып кеткен. Вьетнам үкіметінің мәлімдеуінше, бүкіл ел аумағында 186 мың үй зақымданып, үш миллионнан астам мал қырылып қалды. Ал экономикаға келген шығын 300 миллион долларға жетіп отыр. «Франс-пресс» агенттігінің хабарлауынша, су апатынан Даклак деген таулы провинция ең көп зардап шеккен. Құрбандардың 60-ы дәл осы аймақта тіркеліпті.