Бір аптада 183 мың адам вирустық инфекция жұқтырған

Елде бір аптада 183 мың адам вирустық инфекция жұқтырған. Бұл туралы Үкімет отырысында Денсаулық сақтау министрі Ақмарал Әлназарова айтты. Ал эпидемиологиялық маусым басталғалы, яғни қыркүйектен бері 1 млн 461 мың тұрғыннан тұмау анықталған. Соның 66 пайызы 14 жасқа дейінгі балалар. Вирустың өршуі желтоқсанның ортасына дейін жалғасуы мүмкін,- деді министр. Бұл ретте Олжас Бектенов медициналық қызмет көрсету сапасын бақылауды күшейтуді тапсырды. Қажет болған жағдайда стационарларда қосымша орындар ашып, мобильді бригадалардың жұмысын ұйымдастыруға дайын болу керек екенін атап өтті.

Олжас Бектенов, Премьер-Министр:

Дәріханалардың барлығында вирусқа қарсы препараттар қажетті көлемде болуы тиіс.