Алматыда осы аптада жаппай жарық сөнуі мүмкін

Алматыда осы аптада жаппай жарық сөнуі мүмкін. Себебі, электр қуатына жауапты «Алатау Жарық Компаниясы» 21 қарашаға дейін мегаполистегі электр желілерін тексеріп, жөндеу жұмыстарын жүргізеді. Техникалық қызмет көрсету әр ауданда кезең-кезеңімен орындалады. Осылайша тұрғындар таңғы сағат 08:00-ден кешкі 17:00-ге дейін электр қуатынсыз қалуы мүмкін. Жарық жеке сектор, көпқабатты тұрғын үйлер, сондай-ақ шағын және орта бизнес нысандарында да өшеді. «Алатау Жарық Компаниясы» тексеріс жүргізетін аймақтар тізімін өз сайтына жариялады.