Сенат Қазақстан мен Марокко арасындағы бірқатар келісімді мақұлдады

Қазақстан мен Марокко сотталғандарды ұстап беру, қайтару туралы келісімге келді. Енді екі елдің бірінде заңға қайшы әрекетке барғандар жазасын өз елінде өтейді. Бүгін Сенат тиісті заңды мақұлдады. Ал сотталған адам елге қайтудан бас тартса, еркінен тыс әкелуге тыйым салынған. Бірақ саяси астары бар не ұлттық қауіпсіздікке қарсы қылмыс жасағандар өз еліне баруға ниет білдірсе де, жазасын сол мемлекетте өтейді.

Мәулен Әшімбаев, ҚР Парламенті Сенатының төрағасы:

Бұл келісімдер қоғам мен мемлекеттің қауіпсіздігін қамтамасыз етуге бағытталған. Алдағы уақытта осы заңдар екі елдің қылмысқа қарсы күрес жолындағы бірлескен қызметінің тиімділігін арттырады деп сенеміз.