Мәжілісте жаңа депутат ант берді

Сондай-ақ бүгін Мәжілістің жаңа депутаты «AMANAT» партиясы фракциясының өкілі Әбутәліп Мүтәлі ант берді. Ол жақында ғана Оқу-ағарту министрі қызметіне ауысқан Жұлдыз Сүлейменованың орнына келген. Бүгіннен бастап экономикалық реформа және өңірлік даму комитетінің құрамында жұмыс істейді.

Әбутәліп Мүтәлі, ҚР Парламенті Мәжілісінің депутаты:

Қазақстан халқына адал қызмет етуге, Қазақстанның тұтастығы мен тәуелсіздігін нығайтуға, оның Конституциясы мен заңдарына қатаң бағынуға, депутаттың өзіме жүктелген мәртебелі міндеттерін адал атқаруға ант етемін.