Білім саласын цифрландыру - басым бағыттың бірі

 Еліміздегі мектептерде қазір білім берудегі негізгі басымдық — цифрландыру технологиясының тиімділігі мен жасанды интеллектіге негізделген. Ағарту саласының мамандары ақпараттық технологияның алға озған кезеңінде оқыту жүйесін оңтайландыратын тың тәсіл осы деп отыр. Яғни, технологиясы мен инновациясы дамыған мемлекеттердің арасында Қазақстан үздік 30 елдің қатарына қосылу қажет. Бүгінде Түркістан облысындағы «Келешек мектептерінде» инновациялық жобалар мен цифрлық платформалар жасалып, білім беруде озық технологиялар қолданылады.

Әбдіжәміл Жантаев, мұғалім:

Баяғыда біз өзіміз интернеттен көптеген дүниені іздейтінбіз. Былайша айтқанда уақыт жоғалтатынбыз. Бұл жасанды интеллект пайда болғалы көптеген жұмысымыз жеңілдеп отыр. Мысалы, слайд жасаған кезде де дайын арнайы өте керемет көрнекілер жасап беріп отыр. Әрі деңгейімізді көтеруге септігін тигізіп жатыр.