Алматыда жаңа инвестициялық кезең басталса, жұмыс орындары ашылады

Мемлекет басшысы биылғы Жолдауда елімізде жаңа инвестициялық кезеңді бастайтын сәт туғанын айтты. Әсіресе өңдеу өнеркәсібіне ерекше назар аударған жөн. Президент тапсырмасына сай «Инвестицияға тапсырыс» өндірістің сұранысына сай жасалуы керек. Салаға қаржы тартуда қағаз бастылық көп, түрлі органдардың құзыреттері қайталанады. Сондықтан мемлекет жаңа ұстанымға өтуі шарт. Ал инвесторлармен жұмысты үйлестіру Премьер-министрге жүктеледі. Алматылықтар бұл бастамаларды қолдап отыр.