Ақмола облысында жолда көлік дөңгелегін ауыстырып жатқан 2 жігітті көлік қағып кетті

Ақмола облысында көлігінің дөңгелегін ауыстырып жатқан екі жігітті көлік қағып кетті. Біреуі оқиға орнында жан тәсілім етті. Екіншісі түрлі дене жарақатымен Бұланды аудандық ауруханасына жеткізілді. Жантүршігерлік оқиға Астана-Петропавл автобанының 178-шақырымында болды. «Nissan Almera» автокөлігін тізгіндеген жүргізуші көлік жөндеген екі адамды байқамай қалған.

Алмагүл Тұрсымбаева, облыстық Полиция департаменті ақпараттық саясат бөлімінің аға инспекторы:

«Ниссан Альмера» автокөлігін 37 жастағы ер адам басқарған. Қылмыстық кодекстің 345-бабы 3-бөлігіне сәйкес сотқа дейінгі тергеу амалдары жүргізілуде. Қазақстан Республикасы Қылмыстық-процестік кодексінің 201-бабына сәйкес өзге мәліметтер жариялауға жатпайды.