Ресей Шоқан Уәлихановтың мерейтойын атап өтеді

Қазақстан мен Ресей Шоқан Уәлихановтың 190 жылдығын бірге атап өтпек. Мәскеу мен Астанада композитор Нұрғиса Тілендиевтің 100 жылдығына орай мерекелік іс-шаралар жоспарланып отыр. Алдағы уақытта Ресейде Қазақстанның мәдениет күндері де өтеді.

Мамандардың айтуынша, Шоқан Уәлиханов мұрасы Еуразия кеңістігінде терең зерттелуі тиіс. Осыған орай көрші елде бір ай бойы түрлі шара ұйымдастырылады. Омбы қаласының қақ ортасындағы ескерткішіне реставрация жасалып жатыр.

Торғын Ашенова, «Омбы қазақтары» журналының бас редакторы:

«Қазақтың ұлы ағартушысы, шығыстанушы Шоқан Шыңғысұлы Уәлиханов Омбы қаласында оқығаны белгілі. Сондықтан ескерткіштен бөлек, қаланың ортасында Шоқан Уәлиханов атындағы көше бар. Біз ұлы ағартушының 190 жылдығына өз үлесімізді қосып, бірқатар шара өткізуді жоспарлап отырмыз».

Индира Бегайдар