Жаңалықтарды Telegram арнамыздан оқыңыз!Ұлыбританияда заңсыз көші-қонға қарсы ереуілдер тыйылмай тұр. Халық мигранттар тұратын қонақ үйлерді торуылдап, келімсектердің елден қуылуын талап етуде. Бірақ билік босқындар мәртебесін сұраушыларды мәжбүрлеп депортациялай алмайды.
Өткен жылы жазда Ұлыбританияның 27 қаласында заңсыз көші-қонға қарсы жаппай тәртіпсіздіктер белең алғаны белгілі. Қазір де ультрасолшылдардың наразылығы бәсеңдемеді. Босқындарға қарсылармен қатар, оларды қолдаушылар да көп.
Сауалнама:
- Біз бұл елге бақыт іздеп келдік. Әрбір мигрант болашақта Британ қоғамының дамуына үлес қосады.- Біз босқындарды қолдау үшін осындамыз. Өткен жаздағы тәртіпсіздіктердің қайталануына жол бермеуіміз керек.
Оңшыл радикалды реформалар партиясы болса, Ла-Манш бұғазы арқылы шағын қайықтармен келіп, босқын мәртебесін сұраушыларды ұлттық қауіпсіздікке төнген қатер деп санайды.
Найджел Фарадж, реформалар партиясының көшбасшысы:
Мұны тоқтатудың жалғыз жолы бар. Ол – заңсыз келгендердің барлығын ұстап депортациялау.
Биліктегілер келімсектерге көмектесетін қылмыстық топтарға тойтарыс беремін деген уәдесін әлі орындай алмай жүр. Бірақ қамсыз отырған жоқ.
Иветт Купер, Үлыбритания ішкі істер министрі:
Жаңа пилоттық жобаға сәйкес Франциядан келгендер қайтадан сол елге қайтарылады. Есесіне біз осында туысқандары бар олардың мигранттарын өзімізге қабылдаймыз.
Әлеуметтік зерттеулерге сәйкес, көші-қон мәселесі, экономикадағы сәтсіздіктерді басып озу – Британ жұртшылығы үшін ең басты проблема болып тұр. 2025 жылы елге 25 000-нан астам адам шағын қайықтармен жүзіп келген.
Марина Бекенова
