Астанада зейнеткерлерге арналған киберқауіпке қарсы семинар өтті

Алаяқтықтардан қалай сақтануға болады? Бүгін осындай тақырыппен Астанада Қаржы мониторингі агенттігі, Ішкі істер министрлігімен және «AMANAT» партиясы бірігіп зейнеткерлерге арнайы семинар өткізді. Шара барысында алаяқтық пен киберқауіп, ықтимал қауіп-қатерлер талқыланды. Агенттік жүргізген талдау бойынша, әсіресе қарттар арасында алаяқтарға алдану дерегі көбейген. Сондықтан семинарда мемлекеттік орган өкілдері құқықтық кеңес беру үшін азаматтарды қабылдау ұйымдастырды.

Андрей Давыдов, Қаржылық мониторинг агенттігі департамент басшысының орынбасары:

Бүгінгі шарамызға мыңнан аса адам қатысты. Кеңінен ақпараттандыру мақсатында семинар YouTube платформасында да тікелей эфирде көрсетілді. Киберқылмыстың себебімен ғана емес, салдарымен күрес те аса маңызды. Алдағы уақытта зейнеткерлер үшін мұндай семинарларды ел бойынша ұйымдастырамыз.

Дархан Рахымжан