Жаңалықтарды Telegram арнамыздан оқыңыз!Бұл қазақстандық параспортшы Ақназар Мүтәліпов. Су спортын серік еткен Ақназар күнде осылай 2 жарым шақырым жүзеді. Спортшы жуырда ғана Балқаш көлінде 20 шақырымды еңсеріп, әлемдік рекорд жасады. Ақназар осылай бір қолы мен бір аяғы жоқ адамның да мүмкіндіктері мол екенін дәлелдеп келе жатқан жігерлі жан. Тынымсыз еңбегі мен табандылығының нәтижесінде былтыр Таразда өткен ел чемпионатында бірінші орын иеленіп, кейін Бурабай көлін жүзіп өтті. Ал жаңа рекордын әлемдік деңгейде тіркеп, алдағы олимпиадаға дайындалмақ ниетте:
Ақназар Мүтәліпов, параспортшы:
Көбісі айтады судан қорықпайсың ба, ашық судан, терең деп. Мен шыны керек суды жақсы көремін. Су өзіме ұнайтын спорт болған соң ондай қатты қорқыныш болмады. Параспортшы ретінде әлемдік жарыстарға шыққым келеді. Арманымдағы жүзіп өтетін жерлер бар. Көлдер бар. Қазіргі мақсатым рекордтты тіркеу.
Дархан Рахымжан
