Қарағанды облысының Долинка кентінде жаппай мал қырылды

Қарағанды облысының Долинка кентінде жаппай мал өлімі тіркелді. Әлеуметтік желіде жүзден астам ұсақ малдың өлекселері жатқаны туралы бейнежазба тарап кетті. Облыстық ветеренария басқармасының мәліметінше, қойлар күнделікті пайдаланылатын жайылымда суарылған. Сондықтан судан улануы мүмкін, деп болжап отыр.

Амандық Жәкетаев, облыстық Ветеринария басқармасының жетекшісі:

Бұл жағдай - уланудың факторы болуы мүмкін. Өлген жануарлардан патологиялық сынамалар алынып, зертханаға жеткізілді. Нақты себептері лабораториялық қорытындысы бойынша анықталады. Бүгінгі таңда бүкіл ветеринарлық дәрігерлер аурудың болдырмауын және нақтылау үшін сол жерге жұмылдырылған. Эпизоотиялық жағдай облыста тұрақты.

Бибінұр Әмірханқызы