Жаңалықтарды Telegram арнамыздан оқыңыз!Елімізде білім беру гранттарын тағайындау конкурсына қатысу үшін өтініш қабылдаудың алғашқы күнгі нәтижелері белгілі болды. Өтініш қабылдау 13 шілдеде басталды. Ғылым және жоғары білім министрлігінің дерегінше, кеше 10 мыңнан астам талапкер грант конкурсына қатысуға ниет білдірген. Ең көп өтініш «Педагогикалық ғылымдар» және «Инженерлік, өңдеу және құрылыс салаларына» түскен.
Айта кетейік, биыл құжаттарды eGov.kz порталы арқылы онлайн немесе жоғары оқу орындарындағы қабылдау орталықтары арқылы да тапсыруға болады. Өтініш қабылдау 20 шілдеге дейін жалғасады.
Дархан Рахымжан
