10 шілде – Ветеринария қызметкерлері күні

Бүгін - ветеринария қызметкерлері күні. Елімізде 12 мыңға жуық ветеринар-дәрігер бар. Мейірім мен міндетті қатар алып жүрген маманның бірі – Дмитрий Терентенко. Ол 26 жылдық тәжірибесі бар маман. Күніне 20-ға жуық жануарға ем-дом жасайды. Әуелі жануардың жағдайын жіті тексеруден бастап, жұқпалы ауруы бар-жоғын анықтайды. Кейін тиісті ем-дом тағайындап, керек кезде ота да жасайды

Дмитрий Терентенко, ветеринар:

Біздің мамандықтың қызығымен қоса қаупі де көп. Әртүрлі сырқатпен келгендіктен, жануарлардың эмоцияларды да өзгерек болады. Көбіне мысықтарды, иттер мен көгершіндерді әкеледі. Ветеринар – жануардан шапшаңырақ әрі қырағы болуы керек. Ал ең бастысы жұмысыңа деген махаббат. Жан-жануарды жүрегіңмен жақсы көріп тұрмасаң, бәрі бекер.

Дархан Рахымжан