Ақмола облысында құбырды жөндеу кезінде екі жұмысшы қайтыс болды

Ақмола облысының Қараөткел ауылында су құбырын жөндеп жатқанда екі жұмысшы қайтыс болды, тағы екі адам ауруханаға түсті. Алдын ала мәлімет бойынша, жұмысшылар құдық ішінде метан газына улануы мүмкін. Оқиғаның себеп-салдарын анықтау үшін мемлекеттік еңбек инспекторы жағдайды өз бақылауына алды. Әзірге аталған дерек бойынша Қылмыстық Кодекстің «Еңбек қауіпсіздігі қағидаларын бұзу» бабымен сотқа дейінгі тергеу басталды. Жалпы, Ақмола облысы бойынша жыл басынан бері 21 жазатайым оқиға тіркелген. 25 адам зардап шегіп, бесеуі қайтыс болды.

Бибінұр Әмірханқызы