Мәжіліс депутаты Руслан Қожасбаев Жетісу облысының тұрғындарымен кездесті

Мәжіліс депутаты Руслан Қожасбаев Жетісу облысының тұрғындарымен кездесіп, жеке қабылдау өткізді. «AMANAT» партиясының фракция жетекшілерімен жүздесіп, өңірде қордаланған мәселелерді шешу жолдарын бірге қарастырды. Аманаттықтар бюджет есебінен салынатын барлық нысанға сараптаманы мемлекеттік кәсіпорындар жүргізсе дейді. Демалыс лагерьлері мен мектеп асханаларын жүргізетіндерге де бақылауды күшейту қажеттігін айтты. Депутатпен кездесуге жер батпақта науқасқа атпен жетіп, әлеуметтік желіде танымал болған фельдшер Саят Мырзанов келді. Ақ халатты абзал жан еліміз бойынша жедел жәрдемде істейтін фельдшер мен көлік жүргізушілерінің жалақысын көтеру туралы мәселе көтерді.

Саят Мырзанов, жедел жәрдем фельдшері:

Алғашқы көмек керек болған адамға барлық күшімізді салып көмектесу - біздің жұмысымыз. Көтерілген мәселе жедел жәрдем қызметкерлерінің жалақысы туралы және жүргізушілердің жалақысы. Барлық фельдшердің атынан мен айтамын.

Дамир Нұрмұхамет