«Славян базары» халықаралық байқауында Әміре бірінші орынды жеңіп алды

Беларусь елінде өткен «Славян базары» халықаралық байқауында Әміре лақап атымен қатысқан жас әнші Ернар Садырбаев бірінші орынды жеңіп алды. Негізі, финалға өткен Ернардың ұпай саны румыниялық әнші Марчел Рошкамен тең түсті. 156 балл. Алайда, қазылар алқасы төрағасының шешімімен бас жүлде румыниялыққа берілді. Осымен 27-ші рет дүркіреп өткен байқауға 21 елдің өнерпазы қатысты. Қазақстандық жас талант «Құстар әні», «Подбери музыку» және «Я сплю на розах» атты әндерді шырқады. Аталған фестивальде Қазақстанның Халық әртісі Роза Рымбаева мен әнші Димаш Құдайберген төрелік етті. Дарынды Димаш осыдан үш жыл бұрын дәл осы байқауда бас жүлдеге ие болған еді.

Ардақ МҰРАТҚЫЗЫ