Ақмола облысында Махаббат аллеясын қоқыстан тазартты

Ақмола облысының Степногорск қаласында тұрғындар демалу үшін жиі баратын Махаббат аллеясы қоқыстан тазартылды. Тазалық акциясына еріктілер мен мемлекеттік органдардың, қоғамдық ұйымдардың өкілдері мен белсенді жастар қатысты. Барлығы 200-ге жуық адам шаһарды тазалауға атсалысып, қап-қап қоқыс шығарды. Жалпы, қала тұрғындары экологиялық акцияға апта сайын қатысуды әдетке айналдырған.

Рабиға Әбілқасым, Степногорск қаласының жастар ресурстық орталығының директоры:

Бұл - олардың туған қаласына деген қамқорлығы мен жауапкершілігінің нақты көрінісі. Степногорск қаласы жасыл желекке толы, адамдар танытқан жайлы қала. Осындай көрікті болып қалуы әрбір тұрғынның ортақ міндеті.

Бибінұр Әмірханқызы