Жамбылдың мәдени күндеріне атсалысуға 200-дей өнерпаз келген

Астанада Жамбыл облысының мәдени күндері басталды. «Қазанат» ипподромындағы этноауылда сол өлкенің қолданбалы қолөнер шеберлерінің көрмесі болып жатыр. Онда шеберлердің қолынан шыққан әшекей бұйымдары, ағаштан жасалған ыдыс-аяқтары қойылған.

Сондай-ақ, көрмеден Жамбылдың музейлер қорынан әкелінген құнды жәдігерлерін тамашалауға болады. Жалпы, Жамбылдың мәдени күндеріне атсалысуға 200-дей өнерпаз келген. Астананың 20 жылдығына орай ұйымдастырылған шара кешке Есілдің жағасындағы амфитеатрда жалғасады. Астана тұрғындары «Жаңарған Жамбылдан - асқақтаған Астанаға» атты тараздықтардың концертін көре алады. Келемін деушілерге есік ашық.

Сәуле АЛДАМҰРАТҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.