Көкшетауда өңірлік Азаматтық форум өтті

Көкшетауда өңірлік Азаматтық форум өтті. Облыста қазір 900-ге тарта үкіметтік емес ұйым бар. Оның 90-ға жуығы «Азаматтық Альянс» бірлестігінің құрамына енген. Форумға қатысқан қоғамның белсенді мүшелері өзекті әлеуметтік мәселелерді көтеріп жүрген жандар. Әрқайсысының өз айтары бар. Олар халықтың құқықтық мәдениетін арттыру, инклюзивті қоғам, жергілікті өзін-өзі басқару және креативті индустрия мәселелері бойынша бірнеше секцияға бөлініп, жұмыс істеді. Жиын барысында сондай-ақ Үкіметтік емес ұйымдар туралы заң жобасы талқыланды. Ең бастысы - ұйымның мәртебесін бекітіп алуымыз керек, дейді олар.

Бану Нұрғазиева, Қазақстанның Азаматтық альянсының президенті:

Үкіметтік емес ұйымдардың жұмыстарын реттейтін заң керек деп 2-3 болды шырылдап жатырмын. Керек болса, жобасын да жасадық. Ұлттық құрылтайдың 4-отырысында Президент осы мәселеге көңіл бөліп, тапсырма ретінде Үкіметтік емес ұйымдар туралы заң қабылдансын деп айтып кетті. Біз үшін үлкен қуаныш болды, үлкен жетістік.

Бибінұр Әмірханқызы