Көкшетауда көл жағалауы қоқыстан тазартылды

Осы Бурабайдың баурайында бүгіннен бастап жазғы туристік маусым ашылды. Бұл күнді өңір белсенділері «Таза Қазақстан» экологиялық акциясымен ұштастырды. Бүгін Көкшеде күн жаңбырлы. Жауынға қарамастан 100-ге тарта адам Щучье көлінің жағалауы мен оның жанындағы аумақты қоқыстан тазартты. Акцияға Елорда мен Көкшетаудың жастары белсенді қатысты.

Мәнсия Есекеева, ҚР Мәдениет және ақпарат министрлігінің жастар және отбасы істері комитетінің басқарма басшысы:

Жастарымызбен, еріктілерімізбен жиналып, ең біріншіден туристік маусымның ашылуында осындай экологиялық акция өткізіп жатырмыз. Бұдан әрі де әрбір келген туристер еліміздің таңғажайып керемет жерлерін, Бурабай өлкесін танып қана қоймай, өздерінен кейін қоқысты жинап кетіп, таза ұстауға шақырғымыз келеді.

Бибінұр Әмірханқызы