Қазақстандағы Қытай елшілігі әйелдер қауымын құттықтады

Мереке қарсаңында Қазақстандағы Қытай Халықтық Республикасының елшілігі  қазақстандық әйелдерді құттықтады. Марапатталғандардың арасында Ауыл шаруашылығы вице-министрі, «Казинформ» ақпараттық сайтының бас редакторы, Қазақстанның еңбек сіңірген әртісі Майра Мұхамедқызы сияқты екі ел арасындағы дипломатиялық қарым-қатынасты жақсартуға үлес қосып жүрген аяулы жандар болды. Кеште көрші мемлекеттің еліміздегі елшісі Чжан Ханьхуэй сөз сөйлеп,  барша аяулы жанды мерекемен құттықтады. Елшінің сөзінше, бүгінде екі мемлекет арасындағы байланыста әйелдер қауымының рөлі зор. Олар әсіресе, гуманитария, экономика, сауда, ауыл шаруашылығы салаларының дамуына үлес қосып жүр. 

Фариза МҰСАҚЫЗЫ