Ғалымдар медицинадағы ЖИ мен роботтар жайлы еңбектерін ұсынды

Жасанды интеллект пен хирургиялық роботтарды медицина саласында қолдану. Бұл туралы ЖИ және робототехника бойынша халықаралық конференцияда талқыланды. Алғаш рет өтіп жатқан жиында озық зерттеулердің 100-ден астам презентациясы ұсынылып жатыр. Сондай-ақ 18 елдегі 95 ғылыми мекеме өкілдерінің жетекші ғалымдарының баяндамалары тыңдалмақ. Олардың арасында денсаулықты бақылау кезінде эмоциялар мен бет-әлпетті тану технологиялары мен телемедицина туралы еңбектер бар.

Прашант Джамвал, NU Профессоры, CEMRR орталығының ғылыми жетекшісі:

Біздің медициналық робототехника зерттеулерін өткізетін орталық ЖИ негізінде компьютерлік көру технологияларын пайдалана отырып, әртүрлі онкологиялық диагноздарды зерттеуге мүмкіндік береді. Ал бұл алаң шетелдік ғалымдар мен зерттеушілердің басын қосып, олардың озық еңбектері мен саладағы жаңалықтарын ұсынуға жағдай жасап отыр.

Темірлан Нұржанұлы