Алматыда «Абайдың асыл мұрасы» атты республикалық оқушылар байқауы өтті

Оған еліміздің барлық өңірінен қазақтың бас ақынының «Қара сөздерін» жатқа білетін 250 үміткер қатысты. Хәкімнің күллі адамзатқа арналған өсиетінің сырын ашуға талпынған жас дарындар, ерекше қабілеттерімен көрермендерді тәнті етті. Ұлы ақынның тағылымды сөздерін жастардың санасына сіңіріп, патриоттыққа тәрбиелеу - басты ұстаным. «Сондықтан, игі бастаманы дәстүрге айналдырамыз», - дейді ұйымдастырушылар.   

Болат Әбділманов, ҚР Еңбек сіңірген мәдениет қайраткері:

- Шенеуніктен бастап қарапайым еңбек адамына дейін Абайдың «Қара сөзін» оқуы керек. Абайдың өзінің философиясындағы аяушылық, имандылық, бүкіл дүниелердің бәрі осы сөздің астарында жатыр. Сондықтан, біз осы Абайдың «қара сөздерін» көбірек насихаттап, оқуымыз керек. 

Руслан ҚОСАНОВ