Ресейде бүкіл армияның әскери дайындығы тексерілуде

Ресей Президенті Владимир Путин қарулы күштерге бүкіл армияның әскери дайындығын тексеру туралы бұйрық берді. Жаттығулар маусымның 22-не дейін жалғасады. Оның мақсаты – армияның жоспарлы әрекет пен мобилизацияға қабілетіне көз жеткізу.

Айта кету керек, шілденің 8-де Варшавада НАТО-ның саммиті өтіп, онда АҚШ, Ұлыбритания, Германия, Балтық елдері мен Польшаға жаңа төрт батальон шоғырландыру туралы жоспар қабылданады. Сол батальондарға қажет болған жағдайда Солтүстік Атлантикалық альянстың 40 мың жауынгерлік шұғыл әрекет ету күштері қолдау көрсете алады.

Ресей мен НАТО-ның қатынасы 2014 жылы Қырым Украинадан бөлінгеннен кейін тіпті шиеленісіп барады.

 Арыстан РЫСБЕК