Таза Қазақстан: Жеңіс саябағында монумент маңы қардан тазартылды

Елімізде «Таза Қазақстан» акциясы жалғасуда. Бүгін Қостанай облысында бірнеше елдімекенде түрлі іс-шаралар ұйымдастырылды. Сондай шараның бірі Лисаковск қаласында да өтті. Жеңіс саябағындағы Монумент маңы қар мен мұздан тазартылды. Мемориал аумағын жинауға жастар бірге күш жұмылдыра атсалысты. Акцияның басты мақсаты – тарихқа құрмет көрсету арқылы жастардың экологиялық мәдениетін көтеру.

Анатолий Блинов, Лисаковск қаласы әкімдігінің ішкі саясат бөлімінің әдіскері:

«Таза Қазақстан» - маңызды бағдарлама. Ең алдымен жастарды экологиялық мәдениетке үйретеді. Сондықтан мұндай шаралар барлық аймақтарда тұрақты түрде өтіп тұру керек. Қала тұрғындары да игі бастамаға қосылса екен деймін.

Мәдина Ерікқызы