Солтүстік Арал теңізін сақтау жобасының екінші кезеңі әзірленді

Солтүстік Арал теңізін сақтау жобасының екінші кезеңі әзірленді. Ол 39 жобаны қамтиды. Жауапты ведомство оны Дүниежүзілік банкпен бірге әзірлеген. Жоба арқылы 2 мың адам тұрақты жұмыспен қамтылады. Сондай-ақ облыстың ауыл шаруашылығы мен балық аулау кәсібін дамытуға, өңірдегі экономикалық, әлеуметтік жағдайды жақсартуға мүмкіндік береді. Министрлік өкілдері осындай кешенді шаралардың арқасында Солтүстік Арал теңізінің көлемі ұлғайғанын айтады. Жыл соңына дейін теңіздегі су көлемі 23,4 миллиард текше метрге дейін жетеді деп жоспарланып отыр.