Қазақстандықтардың жеке дерегін алаяқтарға жіберіп отырған азамат ұсталды

Кибералаяқтарға қазақстандықтардың жеке деректері мен банк реквизиттерін жіберіп отырған 20 жастағы астаналық тұрғын ұсталды. Полицияға алдымен жәбірленушіден қоңырау түскен. Ол өзін банк қызметкерімін деп таныстырған азаматтың шотына 1 миллион теңге жібергенін айтқан.

Қылмыстық істі тергеу барысында полиция шот иесінің мекенжайын анықтады. Күдікті ұсталып, уақытша ұстау изоляторына қамалды. Полиция оның басқа да қылмыстарға қатысы бар-жоғын тексеріп жатыр.

Айя Мүтәлі