Жаңалықтарды Telegram арнамыздан оқыңыз!Қарағанды қаласында кішкентай роботтар көкпар тартып, жамбы атуда. Мұндай Ұлттық нақыштағы роботтарды алтыншы сынып оқушылары жасап шығарған. Одан бөлек «Теңге ілу», «Арқан тартыс» сынды ойындар да бар. Оқушылар өз жобасы арқылы Ұлттық ойындарды насихаттауды көздейді. Жобаны жүзеге асыруға робототехника пәнінің оқытушысы Әділбек Бердіхожаев көмектескен. Шет елде білімін жетілдіріп келген оқытушының бұл салада 10 жылдан аса еңбек тәжірибесі бар.
Әділбек Бердіқожаев, Мағжан Жұмабаев атындағы гимназияның робототехника пәнінің оқытушысы:
Оқушылар тарапынан қызығушылық өте жоғары. Бұлар білім беру конструкторлары арқылы жасалған роботтар. Ең басты ерекшеліктері - біздің Ұлттық ойындарымызға негізделген. Ұлттық құндылықтарды сипаттайды.
Жандос Бақытұлы
