Ақмола облысында 4,7 млн ₸ тұратын қарағай тұқымы ұрланды

Ақмола облысында 4,7 миллион теңгенің қарағай тұқымы ұрланды. Қарақшылар Ақкөл орман шаруашылығы ғимаратының терезесін сындырып, қойма есігін бұзып кіріп, қарағайдың 80 келіден аса тұқымын қолды еткен. Полиция Ақкөлдің екі тұрғынын күдікті ретінде ұстады. Олар ұрлық жасағанын мойындап отыр. Ұрланған тұқымды қарақшылар ғаламтор арқылы сатпақшы болған. Тұқым тәркіленіп, қылмыстық іс бойынша тергеу жалғасуда.

Бибінұр Әмірханқызы