Қазақстандықтардың несие қарызы тағы артты

Қазақстандықтардың банк алдындағы қарызы тағы артты. Ұлттық банктің дерегінше, ел экономикасына берілген кредит көлемі 40 трлн теңгеден асқан. 18,8 трлн теңгені бизнес иелері, 23,7 трлн теңгені қарапайым азаматтар алған. Ал ондағы қарыз мөлшері ай сайын өсіп отыр. Сондай-ақ, несиенің басым бөлігі, яғни 36,8 трлн теңге ұлттық валютамен берілген. Ал доллар-еуромен алынған кредит керісінше азайды. Қазір ондағы берешек көлемі 4,1 трлн теңге. Ал экономикаға берілген жалпы қарыздың 85,8 пайызы банк секторына тиесілі.

Айя Мүтәлі