Егде жастағы қарияға төлқұжат берілді

Елімізде өткен жылы рекордтық көлемде төлқұжат шығарылды. 1,5 миллионнан астам жеке куәлік пен 2,5 миллион төлқұжат берілген. Қазақстан паспортын алғандардың ең жасы 10 күндік сәби болса, ал ең егдесі 110 жаста. Ол Түркістан облысы, Жетісай ауданында тұратын Оңай Бегімбаева. Жуырда ауданның полицейлері қарияға жаңа жеке куәлігі мен төлқұжатын үйіне жеткізіп берген еді. Оңай апа бүгінде үш қызы мен екі ұлынан 33 немере мен 25 шөбере сүйіп отыр. Ең қарт ананың ұлдары мен қыздары полиция қызметкерлеріне алғыстарын жаудырды.

Жұмамұрат Бекбаев, баласы:

Паспортының мерзімі өтіп кеткен соң, полиция қызметкерлеріне айттық. Міне, әкеліп отыр бүгін. Шетелге шығатын да паспорт берді. Удостоверениесін де берді. Рахмет.

Айнұр Әбілқасымқызы