Жаңалықтарды Telegram арнамыздан оқыңыз!«Таза бейсенбі» акциясы аясындағы жұмыстар жалғасып жатыр. Бүгін Алматыда «Аманат» партиясының мүшелері мен Әл-Фараби атындағы Қазақ ұлттық университетінің магистранттары қаланы қардан тазалау жұмыстарына атсалысты. Олар коммуналдық қызметкерлерге көмек ретінде «Достық» саябағының қарын күреді. 20-дан аса белсенді жаяу жолды аршып, ойын алаңдары мен воркаут аймақтарын тазалады. Есентай өзенінің айналасын ретке келтірді.
Ғалымжан Керімбек, Әл-Фараби атындағы ҚазҰУ кафедра меңгерушісі:
Әрбір азаматтың, оның үстіне білім алушы - студент, магистрант, докторант болсын, оның Отанға деген сүйіспеншілігін арттыру мақсатында бұл акцияны біз де қолдаймыз.
«Таза бейсенбі» акциясы Қостанай облысының Амангелді ауданында да ұйымдастырылды. Шараға «Аманат» партиясының өкілдерімен бірге мемлекеттік қызметкерлер, еріктілер қатысты. Экологиялық акция апта сайын өтеді. Жазда қоқыс жиналып, көшеттер отырғызылса, қыста тарихи ескерткіштердің айналасы мен тұрғындар жүретін жол қардан тазартылады. Осы уақытқа дейін ауданда барлығы 25 акция өтіп, оған 350-ден астам адам қатысқан. 7 мың тоннадан көп қоқыс шығарылды.
Ернұр Медет
