Үкімет бюджет-салық және тариф саясатын реформалау үшін жаңа әдіс әзірлеп жатыр

Үкімет бюджет-салық және тариф саясатын реформалау үшін жаңа әдіс әзірлеп жатыр. Бұл туралы Олжас Бектенов мәлімдеді. Жаңа жобаға премьер-министрдің орынбасары Серік Жұманғарин жетекшілік етеді. Осылайша Үкімет арнайы сарапшылар тобымен бірлесіп, жаңа тәсілдерді жан-жақты талқылауы қажет. «Әсіресе әлеуметтік қамсыздандыруға қатысты бірқатар мәселе бар», - деді Үкімет басшысы. Сондай-ақ министрлерге «Қарқынды экономикалық өсімді қамтамасыз етуіміз қажет» деп талап қойды.

Олжас Бектенов, ҚР премьер-министрі:

Президент «Ана тілі» газетіне берген сұхбатында Үкіметтің міндеті – экономиканың өсімін қамтамасыз ету және азаматтардың әл-ауқатын жақсарту екенін атап өтті. Ұзақмерзімді және тұрақты экономикалық өсу факторларының бірі – адами капиталды дамыту. Экономиканың дамуы және азаматтар әл-ауқатының артуы кәсібін жетік меңгерген мамандарға байланысты. Сондықтан біз еңбек адамының мәртебесін көтеру үшін тиісті іс-шараларды кезең-кезеңмен қабылдаймыз.

Айя Мүтәлі