Жаңалықтарды Telegram арнамыздан оқыңыз!Жаңа оқу жылынан бастап колледж студенттеріне бөлінетін қаржы көлемі 2 есе артады. Яғни мемлекет әр студент үшін жылына 437 мың теңге емес, 912 мың теңге бөледі. Мұны Оқу-ағарту министрі Ғани Бейсембаев Үкімет отырысында айтты. Қазынадан бұл мақсатқа 58 млд теңге қарастырылған. Сондай-ақ білім беру бағдарламаларын халықаралық стандарттарға сәйкестендіру үшін елдегі 10 колледжге шетелдік менеджерлер тартылады. Бұл бастамалардың барлығы Жұмысшы мамандықтары жылы аясында іске аспақ.
Ғани Бейсембаев, ҚР Оқу-ағарту министрі:
Сондай-ақ негізгі мемлекеттік органдар, яғни 13 министрлік жаңа кәсіпорындар құру, сапалы жұмыс орындарын ашу, жұмыскерлердің біліктілігін арттыру, кадрлар даярлауда колледждермен бірлескен жұмысты жолға қою бойынша кешенді шаралар көзделген. Жұмысшы мамандықтарын жылын өткізу жөніндегі салалық жоспарын әзірледі.
Айя Мүтәлі
