Поэзия падишасы Фариза Оңғарсынованың туғанына 85 жыл толды

Бүгін халық жазушысы, Мемлекеттік сыйлықтың лауреаты, ақын – Фариза Оңғарсынованың 85 жылдық мерейтойы. Айтулы күнге орай Астанадағы опера және балет театрында «Өлең, мен сені аялап өтем...» атты әдеби-сазды кеш ұйымдастырылды. Ақынның өлеңдері оқылып, поэтикалық композиция мен музыкалық нөмірлер қойылды. Кешке ақынның ұлы да қонақ болды.

Алмас Оңғарсынов, Ф.Оңғарсынованың ұлы:

Түпкір-түпкірден Қазақстанның ақын-жазушылары келуде. Өзінің көріністерін көрсетіп жатыр. Өздерінің лебіздерін айтуда. 

Шараның мақсаты – ақынның өмірі мен шығармашылығын өскелең ұрпаққа жеккізу дейді ұйымдастырушылар. Сазды кештің қонақтары болса, Фариза Оңғарсынова туралы жылы естеліктерімен бөлісті.

Бауыржан Бабажанұлы, ақын, «Түркістан» газетінің бас редакторы:

Фаризаның тағы бір ерекшелігі бұл өзінен кейінгі, әсіресе, жас ұрпаққа ерекше қамқор болды. Осында Астанада тұратын көптеген жас қаламгерлер Фариза апаның жеке қамқорлығын көргенін күні бүгінге дейін айтып жүреді.