Астанада робототехникадан халықаралық чемпионат өтіп жатыр

Түркітілдес елдердің жас инженерлері Астанада бас қосты. Олар «Robotek Grand Tournament Astana 2026» халықаралық чемпионатында өзара бақ сынауда. Биыл жарысқа 9 бен 17 жас аралығындағы жасөспірімдерден құралған 220-ға жуық қазақстандық және 45 шетелдік команда қатысып, 9 бағыт бойынша сынға түсіп жатыр. Чемпионат Цифрландыру және жасанды интеллект жылының басты іс-шараларының бірі саналады. Жеңімпаздар мен жүлдегерлерге бағалы сыйлықтар, дипломдар және серіктес жоғары оқу орындарының білім гранттары табысталады. Сондай-ақ «Үздік ауыл командасы», «Үздік шетелдік команда», «Үздік инженерлік шешім» және «Үздік қыздар командасы» номинациялары қарастырылған.

Жеңімпаз атанған оқушыларға бағалы сыйлықтар және ең бастысы Қазақстанның бетке ұстар университеттерінің гранттары беріледі. Бұл Қазақстан Британдық университет, Алматы энергетика университеті және және Павлодардың Торайғыров университеті өз гранттарын беріп отыр.