Ақтөбеде «Таза Қазақстан» экоакциясы жалғасып жатыр

Ақтөбелік еріктілер мен белсенді жастар жалғыз тұратын қарттарға көмектесті. Олар ардагерлердің ауласын қардан тазартып, үйлерін жинап береді.

Жастар бүгін 5 үйдің ауласын тазалады. Облыс аумағында мұндай көмекті қажет ететін жүздеген еңбек ардагері бар. Сондықтан, еріктілер тобы қала тұрғындарын игі бастамаға белсене қатысуға шақырады. Биыл облыста «Таза Қазақстан» жалпыұлттық экологиялық акциясы аясында мыңнан аса аула тазартылып, 290 саябақ пен сквер абаттандырылды, 260-қа жуық ескерткіш қалпына келтірілді.

Жанерке Мирашева, еріктілер тобының жетекшісі:

«Ардагерлерді ардақтайық» акциясы. Бұл қаламызда бұрыннан бері жоспарға енген болатын. Осы акиця барысында жақын жерде тұратын қарттарды алдық. Волонтерлер болып бірнеше шара өткіздік. Қазір басқа қарттардың үйінде де қызмет етіп жатыр. Ауласын тазарту,қарттарға, мүмкіндігі шектеулі жандарға қолдан келгенше қол көмегін беру.