Жаңалықтарды Telegram арнамыздан оқыңыз!Атырау облысында мал ұрлаған жігіт 7 жылға сотталды. Жедел іздестіру нәтижесінде Құлсары қаласының 25 жастағы тұрғыны қолға түсті. Ол 3 айда 14 мәрте ұрлық жасап, 34 ірі қараны қолды қылған.
Осылайша мал иелеріне 5 млн теңге шығын келтірген. Ірі қараны сату үшін әлеуметтік желіге хабарландыру жариялап отырған. Оны сатып алған тұрғындар да анықталды.
Бауыржан Оңдасын, ПД КПБ аға жедел уәкілі:
Жедел іздестіру шаралары кезінде ұялы телефондарынан ұрланған малдың фотосуреттері және малды сатып алған Құлсары қаласының тұрғынынан заттай дәлелдемелер алынды. Қылмыстық кодекстің 188-1 3 бабымен мал ұрлау фактісі бойынша іс сотқа жолданды.
Нұрсұлтан Нұрсейіт
