Астанада Батыс Қазақстан облысының мәдениет күндері өтіп жатыр

Батыс Қазақстан халқы Астанада өтіп жатқан ЭКСПО көрмесіне белсенді қатысып жатыр. Бұл туралы бүгін облыс әкімінің бірінші орынбасары Арман Өтеғұлов хабарлады. Оның айтуынша, көрме басталғалы Астанаға 30 мыңнан астам адам келген. Алғашқы аптасында-ақ, 3000-ға жуық батысқазақстандық «ЭКСПО»-ны аралаған. Аймақ жұртшылығы құр қол келмей, өз тартуларын да ала келіпті. Қазір ЭКСПО аумағында Батыс Қазақстан облысының мәдениет күндері өтіп жатыр. Шара аясында 10 концерттік бағдарлама, 8 спектакль және этноауылда кеңейтілген қолөнер шеберлерінің көрмесі өтеді.  

Армангүл ТОҚТАМҰРАТ