Басты Жаңалықтар Алматыда «Тәуелсіздік» монументіне гүл шоқтары қойылды

Алматыда «Тәуелсіздік» монументіне гүл шоқтары қойылды

16.12.2024 17:10

Бүгін алматылықтар да Республика алаңына жиналып, тарихқа тағзым жасады. Алдымен, «Тәуелсіздік» монументіне гүл қойды. Егемендік жолында құрбан болғандарды бір минут үнсіздікпен еске алды. Бұл жылдағы дәстүр. Алматы – азаттыққа алғаш қадам жасаған қала. Өркениетке талпынған қазіргі Қазақстанның түп қазығы, тұғырлы мекені. Сондықтан Тәуелсіздік күнінің алып шаһар тұрғындары үшін маңызы зор.

Бақыт Байниязов, «Тәуелсіздік 1986 желтоқсан» қоғамдық бірлестігінің төрағасы:

Біздің халқымызға, ұлтымызға Тәуелсіздік негізі өте қымбатқа келді. Тәуелділік пен тәуелсіздіктің арасын айыра білген азаматқа, әрбір адамға бағасы жоқ ең жоғары құндылық деп есептеймін өзім. Жастарымыз енді болашағымыз дейміз. Солар келешекте жат қылықтардан арылып, білім мен ғылым қуып, осы мемлекетіміздің ары қарай дамуына, тәуелсіздігіміздің мәңгілік болуына қызмет етсе деймін.

Ернұр Медет

Бөлісу