Сенат «Келешек» ерікті жинақтау жүйесіне қатысты заңды мақұлдады

Сенат «Келешек» ерікті жинақтау жүйесіне қатысты заңды мақұлдады. Енді әр ата-ана кез келген банк немесе сақтандыру компаниясында баласының атына шот аша алады. Ал мемлекеттік бюджеттен 5 жасқа дейінгі әр баланың шотына 221 мың теңге біржолғы бастапқы капитал аударады. Жетім балалар үшін 443 мың теңге. Шот ашқан ата-ана үшін талап бар. Олар ай сайын кемі 1 АЕК көлемінде жарна төлеп отыруы тиіс. Сонда банк 12-13 пайыз, мемлекет 5-7 пайыз мөлшерде сыйақы беріп отырады. Осылайша 18 жыл бойы баланың шотында кемі 3,5 млн теңге жинақталады.

Мәулен Әшімбаев, ҚР Парламенті Сенатының төрағасы:

Президентіміздің Жолдауында айтылған тапсырманы орындау үшін «Келешек» атты біріңғай ерікті жинақтау жүйесі енгізіліп отыр. Жалпы заң азаматтардың сапалы білім алуға қолжетімділігін, сондай-ақ, мемлекеттік органдар қызметінің тиімділігін арттыруға оң септігін тигізеді деп сенеміз.

Айя Мүтәлі