Туыстарын алдап, суретке түсіріп, несие рәсімдеген

Елімізде алаяқтардың құрығына түсіп, сан соғып қалғандар саны азаяр емес. Интернетті айтпағанда, соңғы кезде туысқандарын алдап, аттарына несие рәсімдегендер де көбейіп келеді.

Мәселен, Ақмола облысы Ақкөл қаласында немересі ата-әжесімен естелік суретке түскен болып, сол биометрияны онлайн несие рәсімдеуге пайдаланған. Бірінші жолы 1,7 млн теңге, ал екіншісінде 2 млн теңгеден астам шығын келтірген. Қазір осы жағдайға қатысты сотқа дейінгі тергеу басталды.

Сағындық Жантеміров, ПД Криминалдық полиция басқармасының бастығы:

Қазіргі таңда Ақмола облысы бойынша 917 интернет-алаяқтық дерегі тіркелген. Осы қылмыстардан біздің Ақмола облысының тұрғындарына 700 млн теңгеден астам залал келген. Осы интернет-алаяқтық үшін 3-7 жылға дейін бас бостандығынан айырылуы мүмкін.

Бибінұр Әмірханқызы