Түркістанда Баба Түкті Шашты Әзіз бейітінің аумағы тазаланды

Түркістан облысының Созақ ауданы тарихы шежіре боп қатталған рухани мұраларға бай өлке. Экологиялық акция аясында осы жолы Баба Түкті Шашты Әзіз бейітінің аумағы тазаланды. Қураған шөптерді шауып, ағаш бұталарын жинастырды. Зияратшылардан қалған тұрмыстық заттар мен қоқыс шығарылып, кесене аумағы ретке келтірілді. «Қарт Қаратаудын темірқазығы болған Созақты көрікті мекенге айналдыру – мәртебе», - деді көпшілік.

Серікбай Байғұтов, Созақ ауданының тұрғыны:

Тазалық деген денсаулыкка пайдалы ғой. Сол үшін бабаны құрметтеп, айналасын тазартып, сөйтіп тұрамыз. Бірлік бар жерде тірлік бар дейді. Біз сияқты қариялар ақылдасып отырып, жиі-жиі осындай тазалық шарасын жүргізіп тұрамыз.

Айнұр Әбілқасымқызы