Қазақстан биыл астық жинаудан рекорд жасады

Биыл егіншілер 26,7 млн тонна астық жинады. Бұл – рекордты көрсеткіш.

Сонымен қатар, 3,2 млн тонна майлы дақыл, 3,9 млн тонна көкөніс және 2,6 млн тонна бақша дақылдары жиналды. Агро саланы қаржыландыру көлемі де өсті. Егіншілерге несие беру, оның пайыздық мөлшерлемесін төмендету үшін 580 млрд теңге бөлінді. Келесі жылы бұл соманы 700 млрд теңгеге дейін ұлғайтпақ. Бұдан өзге, ауыл шаруашылығы техникасын жеңілдікпен алу үшін лизинг бағдарламасы іске қосылды. Оған 120 млрд теңге бөлінді. Қаражат көлемі алдағы жылы 200 млрд теңгеге өседі. 

Айя Мүтәлі