СОР29 саммитінде Қазақстан екі жылдық экологиялық есепті ұсынған үздік 10 елдің қатарына кірді

Әзербайжан астанасы Бакуде өткен СОР29 дүниежүзілік климат саммитінде Қазақстан 197 елдің ішінен транспаренттілік бойынша екі жылдық экологиялық есепті ұсынған үздік 10 елдің қатарына кірген еді. Бұл экономиканың түрлі секторындағы парниктік газ шығарындыларының ашық есебін берудегі жоғары көрсеткіш. Келер жылдан бастап отандық ғалымдар мен эксперттер Ұлттық баяндама дайындау тәжірибесін шетелдік мамандарға үйретуді бастамақ. Көрсетілетін қызметтердің экономикалық тиімділігі де бар. Қызметтер толықтай ақылы негізде жүргізіледі.

Сәкен Қалқаманов, «Жасыл даму» ақ басқарушы директоры:

Бүкіл ел жаңағы есепті бере алмай жатыр. Олар әдістемесін білмейді. Біздің ғалымдар, экология жөніндегі эксперттер жаңағы есепті дұрыстап шығарып, Орталық Азия мемлекеттеріне және Әзербайжанға көмектесе алады. Онлайн да офлайн да барып бір жылдың ішінде бес мемлекеттің баяндамасын тексеріп оларға көмек беруге мүмкіншілігіміз бар.

Серік Жұмабек