Қарағандыдағы еріктілер ойын алаңдарын тазалады

Қарағанды қаласында «Таза бейсенбі» акциясы өтті. Қалада қар қалың түскендіктен тазалық ұйымдарына көмектесу мақсатында тұрғын үй аулалары мен ойын алаңдары қардан тазартылды. «Аманаттың» бастамасымен өткен шараға 300-ге тарта партия мүшелері атсалысты. Апта сайын үздіксіз өтіп келе жатқан акцияға әрбір аудан, ауылдар да белсенді ат салысуда. Олар жалғызбасты аналар, мүгедектігі бар тұрғындар мен ардагерлердің аулаларын тазалап, қарын күреп, көмек көрсетуде.

Аян Шәкен, «Amanat» партиясының мүшесі:

«Amanat» партиясы бүгін қала аулаларының біріндегі футбол алаңында тазалық жұмыстарын жүргізіп жатыр. Жалпы президентіміз айтып кеткендей, бұл бір адамның, бір партияның немесе бір ұйымның жасайтын жұмысы емес. Барша қазақ халқы істейтін, тұрғындар ауласын немесе үйінің жанын тазалайтын жоба.

Жандос Бақытұлы