Елордада халықаралық кітап көрме-жәрмеңкесі ашылды

«Eurasian Book Fair-2017». Бүгін елордада екінші Еуразиялық халықаралық кітап көрме-жәрмеңкесі басталды. Айтулы мәдени-ағартушылық шараның беделді қонағы болған Мемлекеттік хатшы Гүлшара Әбдіқалықова қызыл лентаны қиып, көрмені ресми ашып берді. 

Көрмеге жаһанның 25 елінен 90 баспа өкілі қатысып жатыр. Мұнда сан-саланы, түрлі бағытты қамтыған 3 мыңнан астам кітап қойылған. Бүгін ғана таныстырылымы болған тың туындылар да жетерлік. Мәселен, «Алматы кітап баспасы» дизайны алыстан көз тартатын, қазақтың қара шаңырағы киіз үйдің үлгісінде жасалған кітаптың тұсауын кесті.

Армангүл ТОҚТАМҰРАТ