Жаңалықтарды Telegram арнамыздан оқыңыз!Қарағанды қаласында 1000 түп көктерек егілді. Бұл жолы Әлихан Бөкейхан атындағы ауданның саябағы көшеттермен көріктене түсті. Жасыл желектерді егу – «Таза Қазақстан» акциясы аясында жүзеге асырылды. Оған 100-ге жуық белсенді қатысты. Биыл Қарағанды облысында 130 мыңнан астам ағаш егілді. Оның ішінде мемлекеттік орман қоры аумағы 90 мың үйеңкі, қарағай, қарағаш көшеттерімен толықты. Ал қалалар мен ауылдарда 40 мың ағаш егілді. Бұл күні Қарағандының орталық және жеңіс саябақтарында да тазалық жұмыстары жүргізілді.
Сәкен Келдібаев, Қарағанды қаласының тұрғыны:
Көктеректің айырмашылығы мұнда мамық болмайды. Адамдарға жайсыз жағдай жасалмайды. Және осы көктерек Қарағанды өңіріне, Орталық Қазақстанға бейімделген.
Жандос Бақытұлы
